تاااااااااج.....أحمدك يـــارب

أنا (بتصبب عرقا): فى الحقيقة يا جماعة أنا جالى تاج....آى والله تاج

و ايــــــه......مش أى تاج قاعدة التاج الأولى انك تقول عشر حاجات عن نفسك

طيب ليه الاحراج ده.....ده انتو هتشوفو بلاوى باذن الله

التاج ده وصلنى من العزيزة هبة صاحبة مدونة كراكيب الكلام.....(واللى كانت غايبة فترة طويلة جدا) منا لازم أحسسك بتأنيب الضمير

غلاسة بقا

:)

المهم احنا مش فى برنامج اهداءات ندخل فى الأسئلة من غير لف ولا دوران .....اربطوا الأحزمة و ارتدوا العوينات و ممنوع التدخين لمن هم دون ال18



كنت ناوية أجاوب بالعربى بما ان النبى عربى.....بس التاج بالانجليزى فأمرنا لله

ـــــــــــــــــــــــــــــــــــــــــــــــــــــــــــــــــــــــــــــــــ




Tag Rules


1- Post 10 random things about yourself

2- Choose 5 people to tag and a reason you chose each person

3- Leave them each a comment directing them to your blog so they know they are it

You can’t tag the person who tagged you

(you’ll have to make new friends)As a courtesy to the person who tagged you, please let them know when you have posted so they can have the sheer delight and extra work load of reading your answers)

Allrighty then let's get this started :

1-I love no let's say adoreee cats .....I sometimes do chase street cats and I actually was chasing a very very lovely one yesterday.....crazy....I know :P and on the other hand I don't like kids at all especially the nasty screaming type.

2-I'm not much of a social person .....for example I'm not crazy about attending every single wedding I get invited to coz I'm not so in to socializing with people I barely know ,or people who came just to have a good gossip talk , if you know what I mean.I tend to stay home with a nice cup of tea and a nice book or doing something I love rather than going out.

3-Don't know why but I hate shopping for clothes ....sometimes I enjoy it if I'm in a nice warm store with cool friends.(of course not those fashion crazy girls.....)

4-I love reading (I can be categorized as a Book-Moth).

5-Driving is my passion especially driving speedy cars though even I haven't been taught how to drive one :D......trying new things in new places is my passion also.

6-In lots of situations I choose not to reveal everything I know ....though in these situations I should say more and let people know that I know what they think that I don't know ;)....but somehow I choose not to speak.

فى اعتقادى الشخصى و الشخصى جدا الاستعباط بينفع الواحد كتيــــــر

7-I hate stupidity , stupid people & those who think I'm stupid.

8-دى بقا متنفعش غير بالعربى أنا بعز الغلاسة جدا و بالذات على الناس اللى بحبهم

9-I'm more like a last minute girl nearly in everything (especially studying for exams :) ).

10-I love to fix & mend things especially computers and cell phones.



I would love to pass this tag to


مصطفى صاحب مدونة واحد مش فاهم حاجة

أنونيمس صاحب مدونة أنونيمس برضو

ريفندل صاحبة مدونة Whatever

عمرو صاحب مدونة استوديو


w ay 7ad nfso fel tag da wallahy maho rage3 ....

why????.....Those guys have brains and I would really really like to know some aspects of their personalities especially that I've seen their creative side.



I think I've told what I know about me though It is a tough task to mention things about yourself .....Heba thanks for the Tag it is interesting to think about what I've inside every once in a while.



Thats All Folks :)

كلمتين و بـــــــــــــــس

معلق أنا فى مشانق الصباح و جبهتى بالموت محنية

.......

لأنى لم أحنها حية

الكلمات من قصيدة الكلمات الأخيرة لسبارتكوس لأمل دنقل

الصورة من أعمال الكاتب الفرنسى فيكتور هوجو

عن مصر و حالها و حالنا

.ان الحديث عن الاضراب لن يزد أو ينقص شيئا مما حدث أو مما هو متوقع أو غير متوقع حدوثه

.حديثى اليوم عن حال شعب لم يتوقف و أعتقد أيضا أنه لن يتوقف عن التردى من سئ الى أسوأ

.حديثى اليوم عن حكومة لم تحترم شعبها و شعب لم يقدر قيمة ذاته

. حديثى اليوم عن مصر و عن حالها


CNNاحصائية لفتت انتباهى و أفزعتنى مأخوذة عن ال

أكثر من ثلث الشعب المصرى يعيش بأقل من دولارين فى اليوم
....
و نفس النسبة تقريبا

لا تحصل على ما يكفيها لقوت يومها

. مما يعنى أن أكثر من ثلث الشعب يعيش تحت خط الفقر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
. تعداد المواليد أصبح فى تزايد مخيف فى الفترة الأخيرة

. تزايد نسبة العنوسة 12 مليون من فتيات و شباب مصر عزاب

أزمة السكن و مرتبات الأطباء و زيادة عدد المرضى النفسيين و ان لم يعلنوا عن أنفسهم

. الغلاء أجهد الشعب تماما....السلع الأساسية كما هو واضح أصبحت من الكماليات

بعض أصحاب المخابز ان استخدموا الدقيق فى صناعة الخبز يصبح المكسب فى الجوال الواحد 20 جنية
...أما اذا بيع فى السوق السوداء فالمكسب يتضاعف الى 200 جنية

!!!!! المدمنون والمدخنون ينفقون 2.9 مليار جنية مصرى على المواد المخدرة فى العام الواحد

!!! ثمانية مليون طفل مصرى أو اكثر فى سوق العمل منهم من يدرس أيضا

. هناك من لم يدرس من الأصل و هذا خارج نطاق الدراسة بالطبع

المستشفيات أصبحت لا تستوعب أعداد المرضى المهولة

فى حين تردى معظم الصناعات و طرد العديد من العمال و خصخصة القطاع العام مما أدى لتشريد أسر هؤلاء العمال....ازدهرت صناعة السينما و (الفيديو كليب) و غيرها مما ادى بالشباب فى مصر لحالة غريبة من التغييب الذى أدى الى لا مبالاة واضحة
حالة عامة من الفوضى الغير منظمة تسود مصر و شوارعها الأمرالذى تسبب فى تغييب عقول العديد من الناس فأصبح شغل الناس الشاغل ليس حال مصر و لكن أصبح شغلهم الشاغل هو المرتب امتى؟ هنكفى باقى الشهر منين و هنستغنى عن ايه و هناكل بكام؟؟
. فأصبح انعدام الاحساس بآدميتهم هو القاعدة

بيوت المحلة اتضربت بقنابل الغاز و استعملت الذخيرة الحية فى الاشتباكات لمجرد محاولتهم انهم يقولو لأ و انهم وقفو لشعب فاقد الحياة و النطق

الآن تتصدر الأخبار التالية الصفحات الأولى من الجرائد اليومية

المساعدات ستظل مستمرة لغزة و مصر لن تقبل بأنصاف الحلول كما لن تقبل بتصريحات مزدوجة من حماس

انخفاض أسعار الأرز بصورة ملحوظة و ثبات الزيوت و السكر......هيهئ....بعد ايه؟؟؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كل اللى فات ده عن شعب ماسك فى ايد الحكومة زى ما تكون أمه..شعب محترمش نفسه و سمح لحكومته تديله على قفاه و منهم اللى عايز هو يعيش و غيره لأ و اللى فات برضو عن حكومة معندهاش أدنى احترام لكرامة و آدمية شعبها و من وقت للتانى بيطلوا علينا فى نشرات الأخبار و بيقنعونا ان كله تمام و ان المرتبات هتزيد و الأسعار هتنزل و هنضرب بايد من حديد و ايد من بلاستيك و كلام كده ملوش لازمة
...................
عايزة أقول لنا كشعب الاضراب عمره ما ينجح الا لو الشعب أضرب لحد ما يحصل على حقوقه كاملة و يكون الاضراب سلمى مش تخريب لمجرد التخريب ....التخريب ان أثبت شئ هيثبت انك همجى و غبى و تستاهل معاملة غير آدمية زى اللى حصلت لحضراتنا أو على أفضل الاحتمالات مش هيبصولك أصلا
دى مصر و ده حالها و عشان كده كل ما بنتقدم خطوة بنرجع عشرين و كل مابنحاول نعمل حاجة بتفشل
. عارفة ان الكلام ده مش جديد بس هو احنا شاطرين فى حاجة غيره

سؤال ......باقى على القاع كام محطة؟؟؟؟؟

. أنا أخجل صدقا من كونى جزء من هذا النظام و هذا الشعب

نظرية تلت التلاته و البعد الآخر

المشاهد التالية مررت بها مؤخرا وهى من عده أيام متفرقة تدور أحداثها كالعاده فى مدينتى الصغيرة....و نذكركم أيها المشاهدون الكرام أن الأبطال متوقعون جدا كالعادة

كليتى المصونة......أشخاص لا أعرفهم.......قطط ضالة.....رئيس قسم الميكرو
و...........أنا.....الجميع موجود؟؟؟

حسنا
اذا فلنبدأ أيها السادة و أرجوكم الصمت لأنى لست من محبى الصراخ أو القاء الطماطم لمجرد أن ما حدث لم يرق لكم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المشهد الأول......نهار خارجى

أقف فى مكان ما فى جامعتى الكريهة مع أحد الشخصيات_ التى حتما تستحق أن توضع صورتها فى أحد القواميس و يكتب تحتها البنط العريض نموذج حى للملل و التذمر اللامتناهى _ منتظرة احد صديقاتى و التى حتما قد نسيت اسمها بفعل هراء تلك المملة.....أغالب رغبة شديدة فى السرحان فى أى شئ بعيد عن الدراسة و مشكلات من حولى لأجد بعض الوقت لى و ان كان بالتأكيد لن يكون مخصصا لى بالكامل لأن عقلى المكدود لن يتوقف عن التفكير فى كل ما أحاول الهروب بعيدا عنه
يبدو علىّ أنى أعى تماما ما تقول و أفهمه لدرجة انها استرسلت فى الكلام بشكل درامى و ألقت على السؤال الذى لا مهرب
"منه"هااااااااه....أعمل ايه بقا؟؟؟
"بما انى أستاذة فى فن الهروب ارد عليها رد دبلوماسى من عينة...."أنتى عايزة تعملى ايه؟؟؟
أجدها تحملق فىّ باعجاب شديد و انبهار أشد و تبدأ فى اعطائى تقييمها العام للموقف ثم تقرر فجأة انها قد عرفت ما ينبغى عمله و أنها فعلا ممتنة لعبقريتى و تتقرر أنها ستظل ملازمة لى طوال اليوم لتستفيد من قدرتى الجبارة فى تقييم مواقف البشر و اسدائهم النصح
أنظر لها فى غباء غير مصدقة و أخبرها بأنى تأخرت على ممم بففف و يجب على أن.... كيلا....أنتى تفهميننى جيدا؟؟؟....هااه
"أجدها تخبرنى بتشف واضح " لا مانا فاضية....أجى معاكى أونسك بدل ما تمشى لوحدك
.اه ياااااااا.............كلمة حذفتها الرقابة على أبراج عقلى المسكين
ـــــــــــــــــــــــــــــــــــــــــــــــــــــــــــــــ
المشهد الثانى......منزلى داخلى ثم تنتقل الكاميرا الى المدرج داخلى برضو

أصحو من النوم فى الغالب أجبر نفسى اجبارا على الخروج من السرير....و حتى و ان فعلتها و نجحت فى اقناع نفسى بأن هذا ما يفعله مئات غيرى حاليا فهذا فى الغالب لا ينجح فى كبت غضبى و غيظى من بلاهة الأسباب التى تسببت فى ايقاظى
مؤكد لا جديد فى الخارج سوى النكد و النكد ممزوجا مزجا جيدا مع التصنع و الزيف و الغباء الذى يختفى ليظهر أو يظهر كيلا يختفى أبدا
!!! ياله من عالم راااااائع فعلا
أتعجب بالفعل من عدم قفزى من السرير صباحا و أنا موشكة على الاصابة بأزمة قلبية من فرط السعادة
أرتدى ملابسى و بعد معاناة المواصلات المعهودة أجد نفسى فى المدرج من جديد....تعبيرات وجوه البشر من حولى لا تدفعنى سوى لأن أزداد غضبا على غضب لا أعلم لم الآن!!!.....و لكنى أتذكر حاليا كل قرار أحمق أتخذته فى سنوات عمرى القليلة التى أتيح لى فيها اتخاذ القرار لنفسى
.و كل تلك الاخفاقات النى أصبحت الخلفية الوسيقية الواضحة لذاك الغباء الذى أمارسه كل يوم
صوت الخلفية الموسيقية يغطى تماما على صوت الموجودات حولى فلا أرى سوى وجه المحاضر رئيس قسم الميكرو يعنى الذى لا يتوقف عن تحريك يديه فى حركات بلهاء هى لا تعنى شيئا سوى أنه لا يعى حرفا مما يتكلم عنه....أسمع من حين لاخر المقطع سيللين....و كأنه لا يوجد شئ آخر للحديث عنه سوى هذه المضادات الحيوية.....ألا يوجد مضاد حيوى يصلح لاباده ذاك الممل عصوىّ الشكل؟؟؟
يخبرنى الجميع بعضهم البعض بلا انقطاع أنهم قد تغيروا...لا ألمح اهتمام فعلا كما يحاولون أن يبدوا لبعضهم البعض...التفسير سهل جدا الجميع مشغول بمشكلاته الخاصة....اذا فأنا أرى كواحدة ممن اختبروا هذا الشعور أنه من الأفضل أن يعنى الجميع بشؤونه الخاصة التى غالبا لا تزيدهم الا قدرة على انتقاد الآخرين و التسلية برؤية هذا و ذاك يتبدك.....و بدلا من اصلاح اوضاعهم يجدون متعتهم الوحيدة فى اخبار فلان بأنه تغير و أن هذا لا يعجبه
يـــــــــــــــــــــــــــا ســــــــــــــــــــــلاااااااااااااام
!!!!!!!!

و كأن فلان هذا لا يعرف ما قد حل به فعلا؟؟؟

هنالك دوما حل مريح ان لم تفهم لا تتعب نفسك بالبحث كثيرا عن أجوبة .... و خاصة ان لم تكن تخصك أو تضف لك جديدا
أنظر للبنش أمامى فأجد واحدة قد (سحلت) صديقتها من أذنها و تخبرها بالآتى و ان بدا مشوشا قليلا....أنتى اتغيرتى على فكرة و ده مش عاجبنى خاااااالص
نياهاهاهاهااهاهاهاه......أتمنى لها حظا أوفر منى فى التخلص من سماجة صديقتها الواضحة جدا
ـــــــــــــــــــــــــــــــــــــــــــــــــــــــــــــــــــــ
مرة أخرى أجد نفسى تجتاحنى رغبة عارمة فى تهشيم رأس أحدهم......و لكنى أفضل أن أظل هادئة لأن ثورتى لن تضيف شيئا جديدا سوى خروج أحد الأشخاص السمجة من مكان ما ليخبرنى بأنى قد تغيرت و يهز رأسه فى أسى و يمصمص شفتاه و يذهب لينام قرير العين كطفل رضيع لأنه قد أرضى ضميره بتفضله علىّ و توضيحه لى بأننى قد تغيرت
___________________________
المشهد الأخير.....لا يهم ان كان داخلى او خارجى

.....لنسمه مشهد البرلمان الطلابى

أخرج من أحد سكاشن السيوتكس لأول مرة شاعرة بشعور جيد .......عملنا عجين و ايدينا اتعكت و البلاطى اتوسخت و ضحكنا بجد من قلبنا.....أجد أحد أعضاء اتحاد الطلاب و التى هى بالمناسبة أيضا مدونة تميل على فى خطورة و تخبرنى بأننى يجب أن أحضر أكبر عدد من أصدقائى لنحضر البرلمان الطلابى و فيـــــــه الآتــــــــــى
هنقدر نقول رأينا بحرية من غير ما حد يقدر يقولنا تلت التلاته كام
قلتلها مااااشى.....جاية
والله يا جماعة مكنتش متحمسة ولا نيلة كان نفسى أعرف بس العالم دى هتقول ايه....قلت يالا أهو برلمان يفوت و لا حد يموت و كانت غلطة عمرى
اللى كان هيموت كان أنا...........فقعولى مرارتى....دخلت و ألاقى فى وشى للمصادفة السعيدة بس مش أكتر رئيس قسم الميكرو بيتكلم فى تناكة واضحة عن ان فلوس الكتب و المصاريف دى بيعملو بيها اصلاحات مستمرة فى المعامل......احنا اه مش شايفينها بس ده ميعنيش انها موجودة.........لا يــــــــــــــــــــــــــــاراجل
اومال هى فين فى البعد التالت مثلا......فى صيدلة المريخ؟؟؟؟
قال هو الكلمتين دول و قعد و تناوب على العدد القليل جدا جدا جدا من الطلاب كم هائل من الدكاتره ولا كأننا فى حلبة مصارعة و هاتك يا تقطيم فينا و دفاع عن الدكاتره و سجلاتهم المشرفة جدا جدا جـــــــــــــدا
و فى النهاية أدركت انهم كانو بيوصلولنا بالمحسوس كده ان تلت التلاته مليون و ممكن تلاته مليون لو عايزين المهم احنا بس نفتح مخنا معاهم و الااااا.......مفيش تخرج
المهم أخيرا قدرت أنفد بجلدى منهم قبل ما يطبقو على الموجودين نظرية تلت التلاته و البعد الآخر
!!!!!!!!!!!!!!!!!!!
قابلت فى طريق خروجى من الجامعة قطة ضالة بسبستلها.....نشتنى حتة بصة من تحت لفوق و ادتنى قفاها و مشيت
و خرج المخرج من اللامكان منكوش الشعر...............فــــــــــــــــــــــــركش يا حضرات
كنتى هايلة يا صيدلانية ......من هنا و رايح كل شغلى هيبقا معاكى
أنظر للمخرج و يتلاعب على ثغرى شبح ابتسامة سيكوباتية.....حضرتك بتحرجنى بجد .....حيث كده بقا تعالى أنا عايزة أكلمك فى موضوع و أتأبط ذراعه فى ود يليق بدكتور فى كليتنا و أبدأ فى شرح نظرية البعد الآخر و تلت التلاتة

و كفايـــة عليكــــو كـــــــــده