ها أنا ذا مرة أخرى على ناصية شارعى...واقفة أداعب بعض الأحجار التى تناثرت على جانب الطريق بقدمى...أبتسم لدعابة لم يقلها أحد..أقطب...أرفع أحد حاجبىّ...أنظر نظرة عتاب للا شخص..._ان صح التعبير_ ...بدون وعى أرفع يدى ملوحة فى شرود للتاكسى القادم...أطلب منه ان يقلنى الى (.......)....بدون حتى أن أفطن الى اسم المكان الذى طلبت الذهاب اليه.
أجلس فى هدوء على المقعد الخلفى...أغلق الباب...يهمهم السائق بأنه سيسير على مهل لأن الأمطارغزيرة.
أهز رأسى بأنه لا يوجد ما يهم فى ذلك حتى بدون أن أنظر اليه....و تسيطر على رأسى ذكرى ذاك اليوم الممطر عندما قال لى دعابة حاولت ألا أبتسم لها و لكنى ابتسمت رغما عنى...قطبت بعدها ثم رفعت أحد حاجبىّ مستنكرة تعديه لحدوده..تبعتها بنظرة عتاب على ذاك التعدى....
أفقت على صوت السائق الاجش يخاطبنى "يا انسه....انــــــــســــــه....احنا خلاص وصلنا...مش نازلة ولا ايه؟؟ "...غمغمت مبتسمة رغما عنى
"!!!!معلش....سرحت"
9 comments:
وفيها ايه بقى اما نسرح
من غير ما نسرح إزاي نعيش بقى؟
خدي راحتك ف السرحان لأنه حق لكل مواطن
:)
صدقنى يا أنونيمس انا بسرح أكتر ما بنام
اللى أنا كاتباه مش شرط تجربة شخصية مجرد كلام جع ع بالى و خلاص
ميرسى لمرورك يا دوك :)
هههههه
حلو السرحان ده
و ايه حكاية ارفع حاجبى/اقطب جبينى
يا ستى الدنيا جميلة
هى مش أوى يعنى
بس أهو
مش مستاهلة
و بعدين انتى ف صيدلة
امال لو كنتى ف طب زيي كنتى هتعملى ايه ؟؟
ربنا معاكى
د.حمــــــاس
dr.hamas:
مش مخنوقة من الدنيا زى ما وصللك
صيدلة....!!!! مش زى مانت فاكر كده خالص يا دكتور...المهم ربنا يوفقنا كلنا جميعا....
و ربنا يوفقك
و نسرح برضو كلنا جمعاء.....
ميرسى لمرورك نورتنى
تخيلى فعلا سرحت معاكى
بتحصل معايا كتير والاقى نفسى سرحت وضحكت وزعلت ووشى جاب مليون تعبير وأفوق من السرحان ألاقى اللى حواليا بيبصولى ومستغربينى
يالا مش مهم
الأباصيرى:
:)
بجد عود أحمد....فينك كده من زمان...و مش مهم ليه بقا...ده مهم أوى صدقنى...عارف بيبقا ساعات كده الواحد عينيه تروح لبعيد و مخه يروح بعيييييد و الناس تحس انك مركز معاهم و انت مش هنا أصلا...بس المقلب بقا ساعة محد يا خد باله و يهزك كده و يقولك كنت فين
أهو اللى بيخنقنى ساعتها استغرابهم و انهم فوقونى من حالتى...طيب شايفنى سرحانة سيبونى أكمل مش تغتتو بالسؤال المعهود....سرحااااانة ف مين يا ترىىىىى :)
أكيد عدى عليك كتير ده
:)
نورتنى جدا و يا ريت أشوفك هنا علطوك و متغيبش كل ده
ثوانى أروح أشوف بقا الجديد عندك ايه
حلوة اوي اوي اوي
rivendell:
الحلاوة حلاوة الروووووح
:)...بهزر والله
ميرسى يا جميل ده بس عشان حسيتيها اوى و ده اللى أنا عايزاه...تحياااتى
الحمد لله عالسلامه
تصدقي أنا نسيت السرحان ده ..!! من فترة كده اتعرضت لظروف خلتني دماغي شغال ما يبطلش و من ساعتها نسيت السرحان ده نهائي
مع اني بسرح بس ببقى عارف اني سرحان ، يعني اللي جنبي بيقول و أنا بقول في دماغي فـ موال تاني خالص - زي ما أكون قاعد في غرفتي و حاجه شغاله على الكمبيوتر بتدي خلفية - و لما أخلص أحاول ألضم الكلام بتاعه أكني كنت معاه و ما يحسش خالص ،
معرفش ممكن يكون رأيه ايه لو عرف إني كنت سرحان و أنا عارف إنه كان بيقولبس ما بيبقاش قصدي أطنش
سلامتك
Post a Comment