...علمونا أن نلوك الصمت فى تأن فى البداية
ثم صرنا مدمنين
نتعاطى الصمت صباحا و مساء
علمونا أن نقول الصمت شعرا
و شعارا
و صلاة
و غناء
علمونا أن صوت الصمت عزف و قواف
وابتهال و دعاء
علمونا كيف نقرأ ثم ننسى ما قرأنا
علمونا كيف نكتب ثم نمحو ما كتينا
علمونا كيف تبدو الأبجدية معجما
!!!دون هجاء
علمونا أن فى الصمت فضيلة
والكلام
محض كفر و افتراء
فاستقمنا
وصمتنا
....و التحقنا بصفوف الفاضلين الأتقياء
علمونا أن نصل الحرف سيف
فالخيار بين صمت مطمئن
و انتحار
علمونا أن نعيش ولكن
أنت حر فى القرار
ان أنت عشت فلا فروق
و ان رحلت....فلا عزاء
علمونا أن نقتّل فى رقى و حضارة
علمونا أن للموت وقاره
فلتموتو_حقكم_ لكن بشرط
فى هدوء
......ليس هناك من داع للصراخ و الدماء
علمونا
علمونا
علمونا
ثم كان الاختبار
!!!فنجحنا....بامتياز و اقتدار
وكتبنا لوحة الشرف الجديدة
و اقتسمنا فى اخاء
كل أدوار البطولة و احتفلنا
و شربنا نخب دم الشهداء
و بعثنا برقيات التعزية
نحن و أنتم اخوه
لم ننسكم بل اننا رغم الحصار.......
نهدى اليكم كل يوم أغنية
عبر الاذاعة و الفضاء
أخباركم تأتى الينا فى المساء
فى فاصل بين المسلسل و الدراما الأجنبية
تأتى تعكر صفونا
....لكننا
من بعد مصمصة الشفاه
و بعد اعلان جديد ننسى سريعا كى نتابع
أو نتابع ثم ننسى و نتابع
حتى تنتهى السهرة فجرا
فينبهنا النداء
و تحيينا المذيعة
و الختام
آى من الذكر الحكيم
نشيح عنها
!!!و ننام
!!!ثم نصحو ....و ننام
عهدنا الصمت و انا عهدنا للعهد
حفظ
و احترام
و وفاء
ـــــــــــــــــــــــــــــــــــــــــــــــــــــــــــــــــــــــــــــ
القصيدة دى واحدة من أحسن القصايد اللى د /أحمد خالد توفيق نشرها فى نهاية واحد من أعداد سلسلة ما وراء الطبيعة على ما أفتكر
بس للأسف مش فاكرة لا اسم العدد و لا اسم اللى كاتب القصيدة
بس مقدرش أقول عنها غير انها بجد حلوة جدا جدا
...سألتنى عنها جبتها منين يا أنونيمس من فترة و بقالى شهر قالبة عليها البيت لحد ما لقيتها منقولة فى ورقة فى وسط ورق أخويا
و ادينى نشرتها فى بوست عشان كلو يقراها و يارب تعجب الناس زى ما هى واكلة دماغى
....بجد شكرا جدا لأنك فكرتنى بيها فى بوست حكايتى
:)
17 comments:
ياه
كلامها حلو جدا
ليها حق تأكل دماغك بصراحة
وتستحق أنك تقلبي الدنيا عليها
وشكرا بجد أنك نزلتيها في بوست
تحياتي يا قمر
ياااااه
يلعن أبو دا علام
فكرتيني و قهرتيني
العفو يا فندم
الشرف الرفيع لنا أن تبحثي عنها
وتشاركينا في قراءتها
قصيده رائعه
والاختيار الموجود صعب وللأسف هو اختيار حتمي
علمونا أن نعيش ولكن
أنت حر فى القرار
ان أنت عشت فلا فروق
و ان رحلت....فلا عزاء
شكراً .. مرة أخري
وتحياتي
heba:
العفو العفو يا فندم
هيا فعلا القصيدة دى فوق الوصف اللى كتبها بجد فنااااااااان
نورتى يا جميل
تحياتى
_______________
moro:
قهرة ايه بس؟؟؟
هو ده حالنا هنعمل ايه؟؟؟
بجد بجد نورتنى و اتبسطت جدا لما شفت كومنت منك
:)
تحياتى يا باشمهندس
_________
أنونيمس:
أى خدمة يا فندم
المشكلة اننا بقينا مغيبين يا أنونيمس حتى القرار ما بقيناش بناخده غير بعد عدد لا يحصى من الصدمات
ربنا يرحمنا و يسامحنا على ضعفنا
بجد القصيدة دى قالت حاجات كتير جوايا و كلام كتيــــــر نفسى أقوله
نورتنى و تحياتى يا دوك
moro:
نسيت أقولك صحيح والله
يلعن أبو دا علام
اااااااااااه
راااااااااائعة
كادت تبكيني
شكرا جزيلا جزيلا جزيلا
خبيب:
...العفو العفو
هى فعلا قصيدة مؤثرة جدا و معبرة جدا و فنية جدا
نورتنى...تحياتى
علمونا علام النيلة والهباب
دا توارد خواطر دا ولا ايه
من باب اني شايفاها بتقول ان احنا عايشين وسط كدابين
سبحاااااااااان الله
rivendell**:
والله يا سهى علام منيل بنيلة
و على رأى عمرو ملعون أبو دا علام
بعيد عنك الخنقة بتعمل أكتر من كده
مش عارفة مالنا كلنا كده
ربنا يفكها علينا كلنا
و يصبرنا
:)
سيبك أنتى المهم الصحة و الستر
تحياتى
قصيدة جامدة جدا طبعااااااااا
جداااااااااا جداااااا كمااااان
ومليانة وجع على حالنا
اللى بقى يسد النفس
مسدود نفسنا كلنا مش كده
حالة غريبة صايبانا كلنا
ادعى يا امانى ربنا يفكها علينا كلناااا
ونبدأ نتعلم احنا بقى من غير ميعلمونا هما
حسبى الله وكفى
zordeak:
مفيش غيرها والله حسبى الله
بجد نفسى الحالة دى تخلص بقا و ربنا يفكها علينا و يرحمنا برحمته
أهى دى الدعوة اللى مبطلتهاش
مش عارفة ليه الدنيا و الناس مصرين يدونا دروس مع اننا معندناش ادنى رغبة اننا نتعلم
المهم....تحياتى ليك و ميرسى لكلامك
احنا بقينا بنتعاطى كل حاجه والله ياصيدلانيه مش الصمت بس
علمونا نقول اه
وا حنا طلاب شاطرين وبنتعلم كويس
najwan:
صح كلامك....احنا مغيبيــن
ميرسى لمرورك
ـــــــــــــــــــــ
مالك الحزين:
مظبوط كده
قصيدة قمة في الروعة بحق
وكم من كلام أودى بصاحبه
سلمتِ
أرشيف الغد
فنتازيا 40
أحمد عبدالمولى
أرشيف الغد
فنتازيا 40
أحمد عبدالمولى
Post a Comment