Thursday 16 April 2009

الخرف بعينه


يوم السبت لو الشخبطة دى طلعت هاخد 25 درجة


و لو مطلعتش .....صفر

:))

عبط يدرّسون العبط لمن هم أعبط منهم....لنصبح جميعا عبط بشهادات
ـــــــــــــــــــــــــــــــــــــــــــــــــــــــــــــــ
ملحوظة على جنب
بعتذر يا جماعة رميت بوست فى وشكو و مقلتش أنا أصلا ايه الحكاية ده المفروض بنعلق عضلة فى جهاز و بنوفر لها ظروف بتشبه الظروف اللى بتعيش فيها فى جسم الكائن الحى....العضلة دى بتبقا متوصلة بحاجة زى سلك طويل كده بيرسم على اسطوانة سودا....لو العضلة فضلت عايشة و أنت مظبط كل الظروف اللى حواليها هتطلع الشخابيط الموجودة فى الصورة و لو
ماتت هتلبس أنت فى الحيطه
:)
و بعدين دول ما بيقبلوش بأى شخابيط
المهم يعنى......ادعولى أدام الله عزكم

18 comments:

حسام غانم said...

ههههههههه

لا إن شاء الله هيطلعوا

وتاخدي الـ25 درجة

koketa said...

انا عايزة اعرف بالظبط ايه ده لا نى شايف شئ ملوش ملامح ههههههههههههههههه
بجد عايزة اعرف يادكتورة

شاب كــ طخين ـــــا said...

ههههههههههههه
ان شاء الله هيطلعو

Manora said...

اولا انا اول مرة اعدى على المدونة بتاعتك
وشكلها ظريف فعلا:)
ان شاء الله مش هاتبقى اخر مرة
وربنا يوفقك يوم السبت ان شا ءالله
سؤال بقى هو ده للضفدعه ولا انا نسيت الرسمه؟؟

MǿиY El-Shreef said...

هههههههههه

طيب هو ايه ده اساسا

ربنا معاكي زتاخد 25 درجه ياستي

OldCatLady said...

:))

بعتذر يا جماعة رميت بوست فى وشكو و مقلتش أنا أصلا ايه الحكاية

ده المفروض بنعلق عضلة فى جهاز و بنوفرلها ظروف بتشبه الظروف اللى بتعيش فيها فى جسم الكائن الحى....العضلة دى بتبقا متوصلة بحاجة زى سلك طويل كده بيرسم على اسطوانة سودا....لو العضلة فضلت عايشة و أنت ظبطت التجربة صح هتطلع الشخابيط و لو ماتت هتطلع أنت بره

:)

و بعدين دول ما بيقبلوش بأى شخابيط

المهم نرد بقا ع الناس الحلوة اللى نورتنى

ــــــــــــــــــــ
حسام غانم

يارب ...انشالله حتى 20 أنا راضية

:)

ـــــــــ
koketa:

انظر أعلى الكومنت
نورتينى يا جميل
:)

ــــــــــــــ
امبارح كان عمرى عشرين

يارب يا أخويا يا رب


:)
ــــــــــــــــــ
manora

بنعملها على عضلات أرانب أو ضفادع

و أنت و حظك

نورتينى يا دوك

:)

ـــــــــــــــ

Mony

انظر أعلى الكومنت برضو

:)

و أى حاجة تيجى منهم أحسن منهم

نورتينى يا سكره

MǿиY El-Shreef said...

اهااااااا فخمتو طيب :D

max.adams said...

أنتي قصدك حاجة عامله زي رسم المخ و رسم القلب؟

ربنا معاكي في رسم العضل ... و تقريباً زمانك عملتيها دلوقتي طمنينا بقى ... و الى الأمام دائماً

OldCatLady said...

max.adams

يشبه لرسم المخ و القلب بس احنا بنحقن دوا كمان للعضلة و نشوف استجابتها للدوا ده هتبقا ايه

......

أنا فضلت ماشية للأمام لحد مالبست فى الحيطة....الكوسة ماشية ماشية ماشية فى المعمل و كل واحد خد كبشة

الا أختك و بعض المنحوسين من أمثالى....خدنا فى سناننا

شوف يا سيدى أول وش...القلم اللى بيرسم معووج......والعضلة كاشة و حالتها بالبلا.. و الأسطوانة مليااانة شخابيط...قلت أنا داخلة أشتغل ما أفقرش...علقت العضلة و فات شوية وقت حلوين و هوووب العضلة معجبهاش الحال و مااااااااتت

:)

الحمد لله

و التانية....طلعت عينى و على ما افتكرت تستجيب استجابت قبل ما يقطعو علينا الكهربا بخمس دقايق فمرسمتس كل الكيرف المطلوب....رسمت حته لا بأس بها

بس معرفش ايه الظروف بقا....أنا كتبت الدوا نيكوتين و سبتها على الله


المهم ان أخيرا اليوم عدى

و الأهم انك منورنى والله

:))

zemos said...

شد عضلي... مفيش مشاكل... بتحصل لأحسن الرياضيين

هراءات منطقية said...

انا يوم الامتحان ماستنيتش العضلة تلعب....سهيت المراقب و رحت راسم الكرف بايدى
!!!

OldCatLady said...

moro:
ده مش شد عضلى

ده استهبـــال

ـــــــــــــــــــــــ
اياكش تولع

:))

لا.... احنا عندنا بتتعرف

و معرفش بيلقطوها ازاى

و بما انى كده كده هخسرهم تقريبا الخمسة و عشرين درجة ف أخسرهم بذمة و عن قناعة

:))

منورنى

القمر الساهر said...

ههههههههه
والله ما انت فاهمة حاجة

بس يارب الكرف يترسم

ربنا معاك

ليكوريكا said...

انتو عندكوا من 25

احنا النظام القديم من 45 :((

دنتني مطلعش التشارت لمده 3 ترمات


لكن الترم ده طلعت كيرف جميل الحمد لله

سلميها لربنا ...

بجد ربنا عادل أوي وبيعوض الواحد في النظري

ربنا يوفقك ويوفقنا ويعدي الترم اللي فاضلنا باذن الله على خير

OldCatLady said...

القمر الساهر

و حياتك ولا حتى أنا فاهمة حاجة

المهم ان نورتينى
:))

ـــــــــ
ليكوريكا

أنا مشلتش هم العملى أوى أصل الموضوع كلو بيبقا توفيق من ربنا و ظروف

المهم ان الامتحان عدى و خلاص

ربنا يوفقك فى الكام يوم اللى فاضلين فى الكلية و تطلع منها صافـــــــى

ده المهم

:))

منورنى

د. ياسر عمر عبد الفتاح said...

عارف أنا الهبل ده
الشارتات بنت التيت دي
بس ليه الثقة إن هيجيلك إنتيتستن؟
مش ممكن يجيلكم فروج؟
علي فكرة أنا جالي إنتستن مرتين

والحمد لله طلعوا كويسين
ونجحت

ربنا معاكم

OldCatLady said...

د/ياســــر

لا ما هو الناصحين شالو الفروج من علينا باعتبار انها تجربة سهلة و الخطوات بتاعتها يعنلها أى طفل فى ابتدائى

و جابولنا انيستسن و كمان unkown

منـــورنى

:)

max.adams said...

نظراً لعدم و جود جديد شكلهم تاعبينكو امتحانات و شفوي و عملي
ربنا يوفقك و تعدي السنه دي بخير و كل سنه ان شاء الله
تحياتي