Saturday 28 August 2010

شخابيط كمان و كمـــان

مهما تقدمت بك السنون ستجده دوما هناك فى ركن ما بداخلك.....طفل برئ بعض الشئ يحمل حباً عميقاُ للحياة ساذج لحد لن تلمسه إلا إن ورطتك سذاجته فيما لا تحب

لطالما كرهت المقارنات بشتى أنواعها-حتى و إن وجدت فى ورقة إمتحان ما - فالمقارنة تعنى دوما وجود الشئ هنا و انتفاء وجوده هناك....لانسبية فيها....حتى و إن وجدت فهى نسبية باهتة....تهدف إلى جعل أحد طرفى المقارنة أدنى من الآخر دوما

إخرس......تلك اللفظة التى لا تعنى شيئا سوى أنك تريد إلغاء الآخر

شعور مؤسف أن تعرف أن العشرات ممن تقابلهم فى الشارع يزدردوا حزنهم يوميا بجرعتى ماء فى الصباح حتى لا يلحظه أحد

مجاهدة النفس رائعة إلى حد لم أكن أعرفه من قبل......أن تحارب أعز أصدقائك و ألد أعدائك فى ذات الحرب....و تنام مثقل بالإنتصارات مثخن بالجروح فقط لتستيقظ أحسن حالا قليلا من ذى قبل.....أعلم أنها ليست حربا سهلة و لكنها تستحق خوضها بالرغم من كل شئ

أرى ما يعتبرها البعض حماقة -أو هيبرة و هى جاية من hyper يعنى-  من شخص ما نوعا من التمويه المدروس بعناية......بضع أشياء من هنا و  بضع من هناك منسوجة جيدا لتغطى ببراعة حدث أكبر يعتمل تحت السطح......طبعا لا أٌغفل الحماقة لمجرد التحامق و هذا أمر آخر

الحياة ممتعة فعلا و إن بدت غير كذلك.....ربما لأنها قصيرة إلى حد لا يمكن تصديقه

سؤال يؤرقنى بشدة.....هل يتزوج البشر لأنه موسم تزاوج-شوطة جواز يعنى لازم يكون فيها تعداد معين من البشر يزيد و لكن لا يقل مهما كانت الظروف -....أم سكن و إستقرار و بحث عما هو أفضل لأن من بجوارك يجعلك فى أحسن حالاتك ؟؟!!!

ممتع جدا أن تعرف أن عداد سنوات عمرك ليس مختلسا و لا لصا إلى الحد الذى ظننته.....لأنه يضيف الى عقلك بنفس القدر الذى يختلسه من لحظات عمرك

قد تجدوها ماسوشية -نزعة تعذيب للذات-غير مبررة منى عندما أقول أن الفشل أكفأ معلم قابلته فى حياتى.....أن يعلمك أن تنتزع نفسك من القاع بأعجوبة لتتسلق سلما نخره السوس و أنت حامل على ظهرك أهوال ثقال ......لتتعلم بينما تصعد ماهية الصبر و معنى أن تكون القمة مازالت هناك

الإيمان بالله يجعل لحيرتى الدائمة معنى......لولاه لكان كل شئ دافعا للجنون 


بـــــــــــس كده








8 comments:

Unknown said...

ملحوظة ماخدتش بالى منها قبل كدة بالنسبة للمقارنات

اخرص هى اخطر انواع الارهاب

الاستمرار فى تامل حزن الناس لا يعنى الا ان حزنك لن يصلح مع مجرد جرعة ماء فى الصباح

للاسف معرفة مقدار الحكمة التى يكسبنا اياها مرور الايام لا يكون الا فى الوقت الخاطى الجميع امام المشكلات ساذج صغيرا او كبيرا الحكمة لا تظهر الا فى اوقات الراحة

الايمان بالله مركز لدائرة محيطها متغير


اعتراف واجب

سلسلة الشخابيط فى غاية الروعة

OldCatLady said...

مصطفى:

جميعنا أمام المشكلات ساذج الى حد ما نسبته متفاوتة تفاوت واسع أوى......بس ده ميمنعش أبدا انى بفضل أدور فى زحمة المشكلة مهما كان حجمهاعلى شوية هدوء نفسى بإنى أحاول أفهم مقصود ربنا منها إيه

عندما أحزن أبتلع حزنى بمرارته ....بس مجربة أنا موضوع الميه ده:))

الإيمان بالله مركز لدائرة محيطها متغير.....رائعة جدا و صحيحة جدا

إخرس إرهاب و سطوة ناتجة عن نقص ما جوه الناطق بيها

مبسوطة إن سلسة الشخابيط عجباك...لأنك أقدم ناقد منصف لهذه المدونه

تسلم

admelmasry said...

حمدلله ع السلامة البوست دا اتاخر كتيييير
.
.
ياتري ايه سبب الحكمة الغزيرة ونفاذ البصيرة دا يا ست صيدلانية .. اظهر انه بقي يأتيكي الخبر من السماء ولا حاجة
.
.
شكلي اصبحت مدمن قراءة ليكي ولا ايه ؟؟
محللة نفسية من درجة رفيعه فعلا وحطيتي ايدك علي نقاط غويطة قوي ووصفك دايما بيتمتع بسلاسة وتلقائية طبيعية جميلة
.
.
مررت علي كل خواطرك وتأملاتك واستوقفتني كثيرا حيث صادفت هوى في نفسي
اعتقد انه من حين لاخر اعيد علي نفسي ذكر نفس الاسئلة غير ابه باجابات
.
.
حمدلله ع السلامة
وتحياتي والسلام

OldCatLady said...

آدم المصرى

مبدئيا الله يسلمك

حكمة غزيرة و بصيرة نافذة.....الله يعزك بس فعلا مش للدرجة دى أنا بقول دماغى فيها ايـــه بس

و بعدين اقتناع عندى كده إن أى إنسان فى الدنيا عنده فلسفته الخاصة و تفسيره الخاص لكل حاجة

شعور رائع لما تعرف انك مش لوحدك فى أفكارك....شعور رائع برضو لما تعرف ان فى ناس كتير بتفكر فى نفس الخواطر بنفس الطريقة....بعتبرها نعمة ضخمة من ربنا

كده بقا أنا ضامنة زيارتك دايما :))

معرفش ليه بأترعب لما تقولولى انى اتطورت و بقيت بعرف أعبر أحسن .....بس فى نفس الوقت بفرح كده :))

تسلم

توهة said...

تعرفي ان الافكار دي كانت بتخالجني من ان لأخر واتصور اني عايشه في حيره لمجرد التفكير فيها .... بس دلوقتي اتا عايشاها بطولها وعرضها وبقيت عامله زي العيل اللي ساب ايد مامته عشان في لعبه شدته وتاه في زحمة المولد ومش عارف يرجع لا هو كبر وبقي قد التوهه ولا هو لسه صغير يقدر يلعب ويضحك من غير مايشيل هم توهته
وبقي مزيج من السذاجه والنضج

مع اني بكره السذاجه : )

بالنسبه لحتت موسم التزاوج هم ممكن يوهيألك انه موسم وكل الناس لازم تتجوز بس لو بصيتي في عمق كل رجل و امراه حتلاقيه ان كل واحد فيهم عايز حد يأتنس به وبتشاركوا الافراح والاخزان ويبقوا كيان واحد لا يتجزأ وهي دي روعة الزواج

عقبال اما نفرح بك كده يا كتكوته : )

OldCatLady said...

علا

حلو أوى النص الأولانى من التعليق ده....شرح وافى يعنى :))

طبعا روعة الجواز فى الونس و الشراكة و التفاهم و الرضا و التوحد أحيانا و التكامل أحيان أخرى....(مش عارفة أنا إيه الألفاظ دى)...بس ساعات الموضوع بيقلب شبكة و عفش و قاعة و إاتجوزوا عشان لازم تعملوا كده و إلاااااا...

تصدقى بقا إنى عمرى ما عرفت أرد على كلمة عقبالك....كنت قبل فرح أختى متفقة مع دينا تقولهالى كل فترة عشان أقولها ميرسى يا طانط....ضحكتينى :))



كل سنة و أنتى طيبة يا رفيقة التوهة

منورانى

توهة said...

كلنا كنا هذا الرجل بس في الوقت المناسب مع الشخص المناسب كل حاجه حتبقي مختلفه مش ححرقلك الاحداث بقي

: D

OldCatLady said...

بالظبط كده الشخص المناسب فى الوقت المناسب

مع وجود الاستعداد النفسى المناسب

و ال.......حاجات كتير كده

و

:D