الزعل الخفيف اللى بيتفاقم فى بعض الأحيان لنوبة اكتئاب بايخة بتاخد معايا شهر ميلادى كله
الخساير اللى باقعد أحصرها قبل ما الساعة تيجى 12 يوم عيد ميلادى
المكاسب اللى اتقالّى إن عمرها ما هتكون بتاعتى و لا من نصيبى اللى بتقعد دماغى تفتكرها لحد ما عنيا تدمّع من مدى انبساطى باصرارى على إنى أكمل مهما كانت السخافات اللى حواليا
اشهد يا رب إن السنة اللى فاتت من عمرى دى كانت هى أكتر سنة مفاهيمى فيها اتغيرت . يا رب ممتنة ليك على كل اللى خسرته قبل اللى كسبته السنة دى
كالعادة يا رب مش عارفة أتكلم و أقول كل اللى فى دماغى. بس يكفينى إنك عارف إن السنة دى كمان أنا متشعبطة على بابك و لو كان الزعل هو الحاجة الوحيدة اللى هتخلينى أفضل متشعبطة على بابك يبقى زدنا منها
No comments:
Post a Comment