Friday 11 April 2008

عن مصر و حالها و حالنا

.ان الحديث عن الاضراب لن يزد أو ينقص شيئا مما حدث أو مما هو متوقع أو غير متوقع حدوثه

.حديثى اليوم عن حال شعب لم يتوقف و أعتقد أيضا أنه لن يتوقف عن التردى من سئ الى أسوأ

.حديثى اليوم عن حكومة لم تحترم شعبها و شعب لم يقدر قيمة ذاته

. حديثى اليوم عن مصر و عن حالها



CNNاحصائية لفتت انتباهى و أفزعتنى مأخوذة عن ال

أكثر من ثلث الشعب المصرى يعيش بأقل من دولارين فى اليوم
....
و نفس النسبة تقريبا

لا تحصل على ما يكفيها لقوت يومها

. مما يعنى أن أكثر من ثلث الشعب يعيش تحت خط الفقر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
. تعداد المواليد أصبح فى تزايد مخيف فى الفترة الأخيرة

. تزايد نسبة العنوسة 12 مليون من فتيات و شباب مصر عزاب

أزمة السكن و مرتبات الأطباء و زيادة عدد المرضى النفسيين و ان لم يعلنوا عن أنفسهم

. الغلاء أجهد الشعب تماما....السلع الأساسية كما هو واضح أصبحت من الكماليات

بعض أصحاب المخابز ان استخدموا الدقيق فى صناعة الخبز يصبح المكسب فى الجوال الواحد 20 جنية
...أما اذا بيع فى السوق السوداء فالمكسب يتضاعف الى 200 جنية

!!!!! المدمنون والمدخنون ينفقون 2.9 مليار جنية مصرى على المواد المخدرة فى العام الواحد

!!! ثمانية مليون طفل مصرى أو اكثر فى سوق العمل منهم من يدرس أيضا

. هناك من لم يدرس من الأصل و هذا خارج نطاق الدراسة بالطبع

المستشفيات أصبحت لا تستوعب أعداد المرضى المهولة

فى حين تردى معظم الصناعات و طرد العديد من العمال و خصخصة القطاع العام مما أدى لتشريد أسر هؤلاء العمال....ازدهرت صناعة السينما و (الفيديو كليب) و غيرها مما ادى بالشباب فى مصر لحالة غريبة من التغييب الذى أدى الى لا مبالاة واضحة
حالة عامة من الفوضى الغير منظمة تسود مصر و شوارعها الأمرالذى تسبب فى تغييب عقول العديد من الناس فأصبح شغل الناس الشاغل ليس حال مصر و لكن أصبح شغلهم الشاغل هو المرتب امتى؟ هنكفى باقى الشهر منين و هنستغنى عن ايه و هناكل بكام؟؟
. فأصبح انعدام الاحساس بآدميتهم هو القاعدة

بيوت المحلة اتضربت بقنابل الغاز و استعملت الذخيرة الحية فى الاشتباكات لمجرد محاولتهم انهم يقولو لأ و انهم وقفو لشعب فاقد الحياة و النطق

الآن تتصدر الأخبار التالية الصفحات الأولى من الجرائد اليومية

المساعدات ستظل مستمرة لغزة و مصر لن تقبل بأنصاف الحلول كما لن تقبل بتصريحات مزدوجة من حماس

انخفاض أسعار الأرز بصورة ملحوظة و ثبات الزيوت و السكر......هيهئ....بعد ايه؟؟؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كل اللى فات ده عن شعب ماسك فى ايد الحكومة زى ما تكون أمه..شعب محترمش نفسه و سمح لحكومته تديله على قفاه و منهم اللى عايز هو يعيش و غيره لأ و اللى فات برضو عن حكومة معندهاش أدنى احترام لكرامة و آدمية شعبها و من وقت للتانى بيطلوا علينا فى نشرات الأخبار و بيقنعونا ان كله تمام و ان المرتبات هتزيد و الأسعار هتنزل و هنضرب بايد من حديد و ايد من بلاستيك و كلام كده ملوش لازمة
...................
عايزة أقول لنا كشعب الاضراب عمره ما ينجح الا لو الشعب أضرب لحد ما يحصل على حقوقه كاملة و يكون الاضراب سلمى مش تخريب لمجرد التخريب ....التخريب ان أثبت شئ هيثبت انك همجى و غبى و تستاهل معاملة غير آدمية زى اللى حصلت لحضراتنا أو على أفضل الاحتمالات مش هيبصولك أصلا
دى مصر و ده حالها و عشان كده كل ما بنتقدم خطوة بنرجع عشرين و كل مابنحاول نعمل حاجة بتفشل
. عارفة ان الكلام ده مش جديد بس هو احنا شاطرين فى حاجة غيره

سؤال ......باقى على القاع كام محطة؟؟؟؟؟

. أنا أخجل صدقا من كونى جزء من هذا النظام و هذا الشعب

3 comments:

Unknown said...

لاتعليق

تعرفيش حد يشترى جنسيتى

ويدينى جنسية واحد صومالى

ولا حتى من موزنبيق


سعيد اوى

بوجود كلماتى فى مدونتك

والحمد لله انها عجبتك

Unknown said...

ولي كبد مقروحة.. فمن ذا يبادلني كبداً بغير قروح


وطني = كبدي

OldCatLady said...

واحد مش فاهم حاجة:
مظنش هنلاقى يا مصطفى....المصريين بس هما اللى عندهم استعداد يبيعوا

الكلمات بتاعتك ليها معانى كتير أوى و بصراحة دخلت دماغى جدا
متشكرة جدا عليها و ياريت ميكونش عندك مانع انى نشرتها عندى
ـــــــــــــــ
انونيمس:
منور يا دوك....فينك من زمـان؟
ردا على كلماتك....
ميــــن بقا؟؟

آسفة على التأخير فى الرد...امتحانات بقا و كده