Wednesday 2 July 2008

ادخل برجلك اليمين

....كوب الشاى يبعث أبخرته اللعوب التى لا تتوقف عن التمايل فى دلال يمنة و يسرة
.كل عظمة من عظام جسدى تصدر صوتا عند أقل حركة أقوم بها....أبخرة الشاى اللعوب تغرينى بحمام دافئ ثم نوم مريح
أذهب لأفتح صنبور المياه.....اللعنة!!!!...مازالت تلك المياه الكريهة مقطوعة
أعود مرة أخرى للغرفة و لا أجد أمامى سوى صورة سائق التاكسى الوغد الذى كان يحاول جاهدا أن يبدو _شنتل_ بلغة سائقى التاكسى بابتسامته الصفراء المثيرة للغيظ....صدقونى أنا أعرف جيدا الوغد عندما أراه...أفاجئ و أنا أغادر التاكسى بالمقولة التى كنت أتوقعها 
أبلة لسه نص جنية كده..." ثم تبعها بابتسامة لزجة جعلتنى أقدر أن وقوفى تحت الدش مليون سنة أخرى لن يزيل عنى آثار تلك"
.الابتسامة اللزجة...ألقيت له النصف جنية و أنا أرجو فى سرى ألا يبتسم مرة أخرى...والا سأصاب بأزمة قلبية لن أنجو منها

مؤخرا أصبت برهاب البشر...دوما نظرة من ألقى فى أرض آكلى لحوم البشر تعتلى وجهى و أنا فى الشارع.لم أجد لهذا الرهاب سوى ميزة واحدة و هى مراقبة البشر فى هدوء دون أن يلحظوا....لفتت انتباهى فتاة بدينة جدا ترتدى ملابس تناسب حتما طفلة لم تتجاوز السادسة..هذا لو قبلت تلك الطفلة بأن ترتديها!!! و بينما يبحث عقلى المكدود عن تفسير ارتداءها لملابس أختها الصغيرة أجد ذاك الشاب يخبرها بأن الحلاوة حلاوة الروح...وانها لازم تروح!!! تبعها بسبة بذيئة لذاك _الجردل_ الذى تركها تخرج من
منزلها ثم التفت لأصدقائه و بدأوا فى مرحلة الهع هع المعتادة

لطالما كرهت النرجسية...أراقب شريط (الشات) فى أحد قنوات الأغانى لأجد تلك الأسماء الغريبة على غرار الأميرة الرقيقة...الوسيم....الملاك البرئ ؛ معظمهم من تيمة الباحثين عن الحب الذين لم و لن يجدوا الحب و لن ينجحوا فى أن يجدوا من
.يفهمهم لمجرد أنهم أرق و ألطف من اللازم

الانطباعات الأولى غالبا ما تدوم...حتى و ان حاولت طردها من رأسى لأضع الانطباع الجديد أجد فى الغالب أنه يقفز مرة أخرى فى
.أحد المواقف مخرجا لى لسانه و مؤكدا لى صحته



.أصبحت أؤمن بشدة أن غباء من حولك بصورة أو بأخرى سينتقل لك

أصبح عقلى يخرج لى لسانه بلا توقف....طالما أنا بعيدة عن الورقة و القلم الأفكار تكاد تقفز من رأسى...بمجرد أن ألمح ورقة وقلم
تنزوى كل فكرة فى ركن و يتركوننى شاعرة ببلاهة منقطعة النظير
ـــــــــــــــــــــــــــــــــــــــــــــــــــــــــــــــــــــــــــــــ

لا أعلم ما الصلة بين كل هذه الأشياء....و لا أعلم متى سيستعيد عقلى المكدود قدرته على اخراج ما أشعر به على الورق كسابق
.عهدى

و لكن حتى يحين هذا الوقت ادينا بندردش....ورانا ايـــــــه؟

12 comments:

Ahmed Al-Sabbagh said...

أسلوبك جامد جداااااا

اول تعليق عندك

بس واضح كدة انى هبقى مقيم عندك فى المدونة

تحياتى

احمد الصباغ

OldCatLady said...

أحمد الصباغ:
شكراااا جدا و تنور المدونة فى أى وقت انشاالله حتى أربعة الفجر
:)))
تحياتى ليك

Unknown said...
This comment has been removed by the author.
Unknown said...

اجد الاشارات الحسية الخارجة من عقلى
تدخل فى عدد لا نهائى من تيارات التلاشى

اتخيل تراقص دخان الشاى برقصة الموت

اتخيل انقطاع المياة بنوع من المؤامرات الصهيونية المحكمة التنفيذ

اتخيل وجة هذا اللزج بوجة اصحاب المؤامرة

اذا انا اقتنعت بالفعل انها مؤامرة

اذا فجد نجحت المؤامرة ها انا ادخل فى مرحلة مزمنة من الرهاب البشرى

--------------------

عارفة انا برضوا مش عارف اكتب

حاسس انى فقدت القدرة اللى كانت عندى

قدرة انى اكتب

بكتب حاجة اسمها السقا مات

كل اللى كتبتة فيها من شهر

(السقا مات)

عشان كدة بشك انها تكون مؤامرة

سيبك انتى الغباء احساس مفيش زية

الواحد يصحى مالنوم يلاقى نفسة غبى

والله نعمة
بس اللى يقدر

تحياتى

Unknown said...

نسيت اقولك انى بحس بسعادة غريبة اى لما اجى والاقى كلماتى موجودة عندك فى المدونة

بقرها وبستغرب ان انا اللى كتبتها

شكرا على وجودها عندك

zemos said...

هاهاهاها

يا هاااااي

OldCatLady said...

واحد مش فاهم حاجة
عجبتنى أوى الانطباعات اللى الكلام وداك ليها
حسيت فعلا فى مرحلة فاتت كده ان انا فى مؤامرة ....بس اقنتعت مؤخرا ان الموضوع بقا بالنسبالى أسلوب حياة فخدت عليه خلاص
الغباء بالمفهوم اللى وصلك من النوع اللى بيحطك فى اطار بيريجك أنت و اللى حواليك
والنوع ده مريــح بشكل لا يوصف...
أنا شايفة اننا كلنا بنكتب و بنطلع اللى جوانا بصورة أو بأخرى بس ناقصنا المود العبقرى اللى بيقعدك تكتب
الروح ....الدماغ
ـــــــــــــــــ
بالنسبة لكلماتك
لما بقراها بحس انها بصورة أو بأخرى بتعبر عن تفكيرى...بحس كده انه حد كان قاعد معايا و بعد ما قام سألوه على رأيه فيا قال الكلمتين دول...معرفش ليه
بقراها دايما لما بفتح المدونة
..عزيزة جدا على قلبى
شكرا لانك بعتهالى

OldCatLady said...

moro:
:)))

HeBa said...

أزيك يا بنتي

يارب تكوني بخير

الغباء مفيش أكتر منه

وبالنسبة لرهاب البشر فأنا عندي مشكلة في الثقة

مش عارفة ليه مبقاش عندي ثقة في حد

تحياتي

OldCatLady said...

Heba:
وحشانى كتير...أتمنى ان يكون والدك بخير دلوقتى و أتمنى انك كمان تكونى كويسة دلوقتى و علطول يا رب....انا تمام الحمد لله


صراحتك و عفويتك فى الكلمتين اللى قلتيهم دول بيخلونى دايمااستنى الكومنت بتاعك و ببقا مبسوطة لما بلاقيه مقدرش ألوم عليكى فى مسألة الثقة...لأنها موضوع انك تثق فى حد ده شئ معقد جدا و مبيجيش بسهولة اطلاااقا
خالص تحياتى

Unknown said...

أبلة لسه نص جنية كده

يبدو انك من ذوات الحظ السعيد الذي يوقعك في سائق تاكسي مؤدب لنه يدعوك أبله والأهم من هذا أنه قنوع جداً .. في رايي المتواضع هذا لرجل يستحق 5 جنيه بقشيش

:)

OldCatLady said...

أنونيمس:
لو شفته هتفهم أنا قصدى ايه!!!
ادينى كتبت عنه فى بوست....مش كفاية كده :))

فينك من زمــــان؟؟
منور