الست فيروز بتدندن حاجة فى ودنى بصوت واطى جدا...صوتها المرة دى إلى جانب شعور الراحة المعتاد اللى مديهولى محسسنى بالزعل شويتين تلاتة أربعة.
مَجّ و بالطو أبيض مقاس ميديام..ورق..شهادة تخرج و مسوغات تعيين و 366 جنية مستحقاتى المالية عن آخر أيام شغل..شعور عام بإنى بألفع فوق كتافى شنطة سفر أكبر منى و أنا بوسوس لنفسى كالعادة ب"لأ...مكاننا مش هنا..يالاّ نمشى"...ما أعرفش حقيقى بس يمكن اللى مصدقاه حاليا إنى مش تايهة..أنا بس لسه ما وصلتش...و لأول مرة مش مستعجلة زى عوايدى على الوصول
2 comments:
:))
ياريت فيه لايك بيتعمل ف البلوج ده.. لأني ف أغلب الاوقات مابحبش اوصف اعجابي بحاجة بشوية كلام
Post a Comment